Nuk kanë fund incidentet e linjave të autobusëve. Një tjetër urban ka pësuar defekt në Tiranë, duke u bërë shkak për bllokimin e trafikut në zonën e “21 Dhjetorit”.
Mësohet se urbanit të linjës “Uzina Dinamo – Qendër – Sharrë” i është shkëputur goma në mes të kryqëzimit.
Një automjet që ka qenë pranë autobusit është dëmtuar, për shkak të shkëputjes së njërës prej gomave të pasme dopio të autobusit. Për fat të mirë, nuk raportohet për lëndime një njerëz.
Ndërsa trafiku është bllokuar duke shkaktuar radhë të gjata.
Kjo nuk është hera e parë që qytetarët e kryeqytetit përballen me një situatë të tillë, ku ajo më e frikshmja është aksidenti i autobusit “Go green” që ra te lumi Lana.
Ndërkaq dhe linja e Porcelanit ka pësuar defekt dhe ngeci në rrugën “Xhanfize Keko” në Xhamllik.
Pas nuk “ka mbetur” as urbani i Kombinatit ku para disa ditësh është përplasur me një kosh mbeturinash.
Discussion about this post