Arben Mërkuri 48- vjeçari që u ekzekutua me automatik mbrëmjen e sotme në Sukth të Durrësit, pranë dyqanit të tij, është një nga tre personat që rrahën biznesmenin libanez në Durrës, Faadi Mitri, ngjarje e ndodhur në 2016.
Për ngjarjen në fjalë, Mërkuri u shoqërua bashkë me Landi Muharremin, ish-subjekt i OFL-së dhe Skënder Krahjën.
Mërkuri rezulton të jetë person me precedent të mëparshëm penalë, kryesisht në fushën e narkotikëve. Ai. Ai është dërguar në spital pasi i është bërë atentat, por aty ka ndërruar jetë si pasojë e plagëve të marra.
Sukthi është rrethuar nga forca të shumta policie, por rrethanat e ngjarjes janë ende të paqarta.
Kontrolle po ushtrohen edhe në hyrje të Tiranës, pasi ka dyshime të forta që ekzekutorët janë nisur drejt kryeqytetit pas vrasjes.
Discussion about this post