Dyshohej si vrasës me pagesë, Arben Mërkuri u ekzekutua në prani të dëshmitarëve okularë

Atentati i mbrëmjes së djeshme në qendër të Sukthit ku mbeti i vrarë Arben Mërkuri pati edhe dëshmitarë okularë.

Një makinë luksoze ku udhëtonin dy persona ka ndaluar para dyqanit të viktimës ku njëri prej tyre ka zbritur në asfalt dhe ka qëlluar me breshëri. Më pas makina është larguar me shpejtësi. Mësohet se autorët kanë qenë të maskuar.

Viktima ishte një emër i njohur për policinë. 48-vjeçari dyshohej si person i përfshirë në krime kundër personit, për vrasje ne pagesë, por nuk ka asgjë të dokumentuar.

“Maneci” ishte arrestuar edhe për dhunimin e biznesmenit libanez Faadi Mitri.

Makina luksoze e autorëve është larguar menjëherë nga vendi i ngjarjes teksa forca të shumta policie janë vënë në kërkim. Po kështu janë sekuestruar pamjet e kamerave të sigurisë të objekteve pranë vendit të ngjarjes, ndërkohë që janë marrë në pyetje të afërm dhe persona të pranishëm që mund të kenë dijeni për autorët apo arsyet e krimit.