Kryeministri Edi Rama ka reaguar pas megaoperacionit të SPAK, ku u arrestuar 18 persona mes tyre dhe një shef krimesh. Sipas kreut të qeverisë ky operacion është shembulli më kuptimplotë i fuqizimit të organeve ligjzbatuese.
“Operacioni i sotëm i SPAK-ut dhe Policisë së Shtetit është shembulli më kuptimplotë i fuqizimit të organeve ligjzbatuese dhe vendosmërisë së madhe për ta goditur krimin e organizuar me të gjithë forcën e ligjit! Respekt për këtë shembull kaq domethënës. Mbështetje deri në fund!”-shkruan Rama.
Reagimi i kryeministrit Edi Rama vjen pas megaoperacionit të SPAK për të arrestuar kokat e botës së krimit.
Operacioni i SPAK dhe RENEA u drejtua nga Drejtoria e Përgjithshme e Policisë së Shtetit. Deri tani janë ekzekutuar gjithsej 18 masa sigurie, nga këto 9 persona u kapën gjatë operacionit. Në orët e para të mëngjesit, FNSH dhe RENEA kanë zbarkuar në 5 qytete për të ekzekutuar plot 32 fletëarresti për disa nga emrat më të njohur të botës së krimit mes tyre edhe Ervis Martinajt.
Discussion about this post