Pas mbledhjes me grupin e deputetëve për emrin e Presidentit të ri, kreu i grupit të PD, Enkelejd Alibeaj u pyet nëse ai do të konsultohet me ish kryeministrin Sali Berisha për Presidentin.
Teksa tha se presin mendimin dhe sugjerimet e të gjithë deputetëve të Grupit Parlamentar të PD-së, ai mohoi të merrte sugjerimet e Berishës duke thënë se ai nuk është pjesë e grupit.
“Është unison i të 26 kolegëve që të gjitha diskutimet tona, tua bëjmë me dije në një mbledhje tjetër nesër pasdite për të diskutuar të gjitha këto çështje. Ne nuk kemi as ngut mes nesh për ti konsultuar të gjithë deputetë e PD të shprehin opinionin e tyre për procesin, por edhe për emrat. Do të konsultohemi me të gjithë edhe me aleatët. Vetëm në këtë mënyrë ky proces duhet të ecë përpara. Po thoja për anëtarët e grupit PD. Kjo ishte kërkesa e të gjithë anëtarëve. Kjo është ajo që me sens të lartë përgjegjësie në si opozitë po bëjmë detyrën. Nesër pasdite do të ketë një tjetër mbledhja”, tha Alibeaj.
Discussion about this post