Një operacion i tërë i SPAK u zhvillua në bazë të dëshmisë së Nuredin Dumanit dhe Henrik Hoxhajt duke tronditur thellësisht botën e krimit të organizuar në Shqipëri. RENEA, FNSH dhe Policia e Shtetit zbarkuan në disa qytete të Shqipërisë ndërsa gjatë aksionit u arrestuan 18 persona. Nuredin Dumani, një nga emrat më të kërkuar të drejtësisë u arrestua disa ditë më parë, pasi i shpëtoi një atentati. Para pallatit ku ai strehohej në Fier, u prangos edhe Henrik Hoxhaj.
Por si janë njohur Nuredin Dumani dhe Henrik Hoxhaj, i njohur ndryshe si “ushtar” i tij ? Në dosjen hetimore, Hoxha rrëfen se me Dumanin është njohur në një festë ditëlindje.
“Në lidhje me këtë fakt penal shtetasi Henrik Hoxhaj ka deklaruar ndër të tjera se, me Nuredinin është takuar para 3-4 vitesh. Nuredinin e kam njohur tek ditëlindja e një mikut tonë të përbashkët. Njohja ime me Nuredinin ka qenë graduale dhe me kalimin e kohës unë e kam forcuar lidhjen time me të.
Gjatë periudhës 3-4 vjeçare kontaktet nuk i kemi pasur të shpeshta me përjashtim të rasteve kur Nuredini më kërkonte ta ndihmoja për të bërë ndonjë punë periudha në të cilat i kemi shpeshtuar kontaktet dhe lidhjet me njëri tjetri..Nuredini ka ardhur nga Kosova që të mbaronin një punë për të cilën e kishte porositur më parë…. Konkretisht rreth 15-20 ditë para se të vinte Nuredini më ka shkruar mesazh në telefon duke më dërguar foton e një personi në Elbasan emrin e të cilit nuk e di por më ka treguar se ai kishte një pikë shitje automjetesh e cila ndodhet përpara Restorant “Zykollari” në krah të një karburanti dhe mobilierie”, ka thënë Hoxhaj.
Discussion about this post