Nedim Bajrami dhe Kristjan Asllani janë dy nga lojtarët më të talentuar te skuadra e Empolit në Serie A. Paraqitja e tyre e mirë këtë sidomos këtë sezon ka tërhequr vëmendjen e disa klubeve, mes tyre edhe të Napolit.
Presidenti i klubit toskan, Fabrizio Corsi në një prononcim të dhënë për Radio Kiss Kiss, ka treguar se si qëndron e vërteta me dy lojtarët shqiptarë.
“Bajrami apo Asllani te Napoli sezonin e ardhshëm? Nuk e di, nuk mund ta them një gjë të tillë, ende nuk mund të flasim për merkato.
Bëhet fjalë për mendime dhe ide. Të fokusohemi tek Atalanta, një sfidë e rëndësishme edhe sa i përket merkatos”, deklaroi Corsi.
Discussion about this post