Lidhur me procesin e zgjedhjes së Presidentit të Republikës, deputetja e Partisë Demokratike, Orjola Pampuri i është përgjigjur kreut të grupit parlamentar të Partisë Socialiste, Tulant Ballës. Në një postim ne facebook, Pampuri shkruan se rilindja po tenton të vjedhë Presidentin ashtu siç vodhi sipas saj mandatin qeverisës, ndërsa shton se në raundin e katërt Rama do të votojë me votat e siguruara Presidentin, që sipas saj nuk do të jetë i të gjithë shqiptarëve.
“Balla na qenka i habitur se, pse PD nuk paska çuar kandidat për raundin e dytë të zgjedhjes së presidentit? Vërtet habi, sepse ai e hëngri vetë fjalën publike për të pranuar dokumentin e grupit demokrat. Por ai e ha turpin me bukë sepse sëbashku me shefin e tij nuk duan president për shqiptarët, por president të zgjedhur prej xhepit të tyre, si noter për pushtetin e vjedhur. Rilindja do të bëjë atë që bëri me 25 prill 2021, të vjedhë presidentin ashtu siç vodhi mandatin qeverisës me bandat e krimit, të çertefikuar si të tillë edhe nga Departamenti i Shtetit. Në raundin e katërt Rama do të votojë me votat e siguruara nga krimi e non gratat, presidentin, që normalisht nuk do të jetë kurrsesi i gjithë shqiptarëve” – shkruan Pampuri në facebook.
Discussion about this post