Ish kryeministri Sali Berisha në fjalën e tij në Kuvend i është rikthyer retorikës së vjetër ku ish kreut të PD, Lulzim Basha i referohej me termin “peng Basha”, pasi e akuzon se përdorej nga kryeministri Edi Rama.
Teksa po komentonte raportin e AMA për vitin 2021, Berisha akuzoi Ramën dhe Bashën se kanë politizuar AMA- për interes të tyre.
“Këtu do të diskutohet për një institucion që me gjithë potencialin e tij dëshmoi se është i gatshëm të funksionojë si institucion i censurës. Si asnjëherë në ekzistencën e tij, Rama dhe mjerisht peng-Basha emëruan kryetar dhe zëvendëskryetar njerëzit më të besuar të tyre. Në vend se ai institucion të drejtohet nga përfaqësues të pavarur të mediave, është e kotë të diskutosh se kurrë ndonjëherë nuk ka pasur këtë shkallë ekstreme politizimi me gjithë kërkesën, insistimet e mediave dhe institucioneve ndërkombëtare. Ky institucion të jetë i balancuar, të jetë më i pavarur, më i paanshëm”, tha Berisha.
Discussion about this post