Një 15-vjeçar ka plagosur rëndë një të mitur mbrëmjen e së dielës në një lagje pranë shkollës “Bajram Curri” në Tiranë. Fëmija i plagosur ndodhet në spitalin e Traumës, nën kujdesin e mjekeve. Familjarët e fëmijës së plagosur dhe banorëve të lagjes shprehen se nuk është hera e parë që 15-vjeçari, një i mitur me probleme të shëndetit mendçor, plagos me thikë fëmijët, madje ka kryer akte dhune edhe ndaj të rriturve me sende të forta dhe thikë.
Sipas banorëve, edhe pse e kanë denoncuar disa herë në polici, i mituri është lënë sërish i lirë për shkak të moshës minorene dhe të problemeve shëndetësore. Banorët bëjnë thirrje që institucionet shtetërore të reagojnë dhe 15-vjeçari të dërgohet në institucionet e rehabilitimit. Ata shprehen të frikësuar pasi 15-vjeçari është kthyer në një kërcenim serioz për fëmijët dhe të gjithë banorët e lagjes.
Familjaret e të miturit thonë se 15-vjeçari para dy vitesh ka qenë në shtëpinë e fëmijës në Sarandë, por e kanë rikthyer serish dhe se kërkojnë që të dërgohet në një qendër rehabilitimi pasi e kanë të pamundur ta mbajnë nën kontroll.
Discussion about this post