Ministri i Drejtësisë, Ulsi Manja ka zbardhur dy skemat e korrupsionit ku janë të përfshirë zyrtarët e lartë të Agjencisë së Trajtimit të Pronave dhe ku deklaroi se do dërgojë në SPAK drejtuesen e këtij institucioni Jonida Baçi.
Manja u shpreh se skema e parë është ajo kur ish-pronarët që kanë për të përfituar kompensim fizik, pasi dështojnë ta marrin atë për vite me radhë, detyrohen ta shesin vendimin te sekserët, të cilët e realizojnë kompensimin brenda një kohe të shkurtër.
“Janë dy skema të dokumentuara nga ana jonë, nëpërmjet të cilave zyrtarët e lartë të ATM janë përfshirë në tjetërsimin e pronave dhe abuzimeve të tjera financiare. Ish pronarët që disponojnë vendimet e kthimit të pronave i disponojnë këto vendimi në pritje të marrjes së kompensonit, por edhe të kompensimit fizik të pronës gjë të cilët nuk kanë mundur ta realizojnë. Në këto kushte janë detyruar të shesin vendimet tek sekeseret. Menjëherë kanë aplikuar në ATP dhe janë kompensuar 100% financiarisht, por edhe me sipërfaqe pronash në vendet më turistike të Shqipërisë. Pasi i kanë marrë këto prona kanë vijuar me transaksionet mbi pronat duke i kaluar në pronësi të familjarëve dhe të afërmeve të zyrtarëve të ATP. Një skemë e cila jam i bindur që do të zbardhet deri në fund nga prokuroria. Skema e dytë ka të bëjë me abuzimet në rastin e kompensimit financiar të ish pronarëve pronat e të cilëve janë zënë me ndërtesa informale të legalizuara nga Kadastra. Në rastin konkret, ish pronarët pasi marrin një vlerësim të pronës së tyre depozitojnë kërkesën për tu kompesuar financiarisht nga ATP. Sipas praktikës që vetë agjencia ka vendosur si standard, skema e kompensimit financuar do të ndjekë rendin kronologjik të ndjekur nga Kadastra”, tha Manja.
Discussion about this post