Intervista mes Bieta Sulos dhe Roza Latit devijoi e gjitha duke shkaktuar momente goxha të sikletshme gjatë gjithë kohës.
Lati, e indinjuar nga pyetjet e moderatores dhe këmbëngulja e saj për të folur rreth guximit të Rozës për të hedhur (ose jo) një video seksi (nëse do të kishte një të tillë), përmes një postimi në Instagram shkroi se ndihej e ofenduar nga Bieta dhe nga fakti që Top Channel i ka fshirë një video nga Instagrami, me gjasë një pjesë nga emisioni.
Tani, para pak orësh, Roza bën sërish një tjetër postim përmes të cilit i kërkon ndjesë Bieta Sulos duke i thënë se s’ka asgjë personale me të.
“Ne emër të publikut, në emër të Instagramit dhe të YouTube-it duke të të kërkoj ndjesë Bieta që more mbrapsht gjithë këtë shpullë të ftohtë nga të gjithë ne. Na vjen keq Bieta se u rrëmbyem nga emocionet të gjithë e na rrëshkitën si copëza diamandesh të ftohta. Asgjë personale. Kjo është arsyeja pse publiku më do. Sepse unë i kapërcej kufijtë e mi, por jo kufijtë e tu. Unë tani po shijoj suksesin dhe bukurinë time.”- shkruan Roza që pavarësisht dozave të ironisë i kërkon ndjekësve dhe Bietës t’i lënë mënjanë mllefet dhe urrejtjen.
Ndërkohë, nga ana e moderatores nuk ka asnjë koment për intervistën që shkaktoi jo pak reagime.
