E rëndë/ Sulm i armatosur në hotel, vriten 11 persona, dhjetëra të plagosur

Një ngjarje e rëndë ka ndodhur në qytetin meksikan Celaya, në  shtetin qëndror të Guanajuatos ndërsa persona të armatosur kanë hapur zjarr në një hotel. Si pasojë e ngjarjes, të paktën 11 persona kanë mbetur të vrarë ndërsa disa të tjerë kanë mbetur të plagosur.

Dëshmitarët okularë të ngjarjes u shprehën se rreth 15 burra të armatosur kanë hyrë në hotel në orën 22:00 (kohë lokale), duke qëlluar dhe duke hedhur bomba me benzinë përpara se të sulmonin dy bare aty pranë. Ende nuk bëhet me dije identiteti i autorëve apo nëse ngjarja lidhet me kartelet e drogës që operojnë në Meksikë.