Të shtëna me armë zjarri janë dëgjuar pak pas mesnatës në një lokal pranë rrugës “Xhanfize Keko” në Tiranë.
Burime bëjnë me dije se nga të shtënat brenda lokalit pranë “ish-Artistikes” ka edhe të plagosur. Mësohet se është plagosur të paktën një person, i cili u dërgua me urgjencë në spital prej shokëve që e shoqëronin.
Fill pas përplasjes, në lokal mbërriti policia, e cila rrethoi vendin e ngjarjes dhe po kryen procedurat për sqarimin e rrethanave dhe gjetjen e autorëve.
Nuk dihet ende nëse kemi të bëjmë me shkëmbim zjarri apo të shtënat dolën nga një armë, megjithate mësohet se janë dëgjuar 8 të tilla.
