Dalin të tjera detaje nga ngjarja e rëndë në Gjegjan të Pukës ku një 11-vjeçar mbeti i plagosur. I mituri u plagos në këmbë nga një 17-vjeçar ndërsa dyshohet se ngjarja ndodhi aksidentalisht.
Ngjarja ka ndodhur në lokalin që babai i 11-vjeçarit kishte me qera. Mësohet se 17-vjeçari kishte një konflikt me kushëririn e 11-vjeçarit.
17 vjeçari është fshehur dhe po punohet për kapjen e tij. Ndërkaq, 11-vjeçari është transportuar me helikopter drejt Tiranës. Autori është identifikuar si shtetasi R.C.
Njoftimi i policisë:
“Rreth orës 16:20, në fshatin “Dom Gjegjan”, Pukë, në rrethana ende të paqarta është plagosur me armë zjarri, një i mitur 11 vjeç, i cili po dërgohet në Spitalin e Traumës Tiranë. Falë veprimeve të shpejta hetimore është bërë identifikimi i autorit të dyshuar të ngjarjes, shtetasi R. C. 17 vjeç dhe po punohet për kapjen e tij.
Grupi hetimor nën drejtimin e Prokurorisë po punon për sqarimin e rrethanave të kësaj ngjarje.”-njofton policia.
Discussion about this post