Tragjedia me energjinë elektrike, dalin fotot e nënës dhe dy vajzave në Fushë Arrëz

Janë publikuar fotot e nënës dhe dy vajzave që humbën jetën disa ditë më parë në Fushë Arrëz si shkak i kontaktit me rrymën elektrike.

Shtetaset, Prendushe Kola 43 vjeç, Sidorela Kola 15 vjeç dhe Emiljana Kola 18 vjeç ranë në kontakt me energjinë elektrike dhe për pasojë vdiqën.

Njëra prej vajzave është futur për t’u larë në dush kur papritur ka rënë në kontakt me rrymën elektrike. Ajo ka thirrur për ndihmë motrën e saj por edhe ajo sapo është futur në tualet ka humbur jetën.

Nëna e dy vajzave iu ka shkuar në ndihmë atyre por sapo ka prekur dorezën e derës edhe ajo ka humbur jetën për shkak të kontaktit me energjinë elektrike.

Edhe djali i familjes ju ka shkuar në ndihmë motrave dhe mamasë por fatmirësisht ka shpëtuar mirë, duke marrë vetëm disa plagë të lehta e jashtë rrezikut për jetën. Grupi hetimor po vazhdon veprimet hetimore për zbardhjen e plotë të ngjarjes.