Aktorja e njohur Olta Gixhari na ka treguar gjithmonë aq sa ka dashur për jetën personale: Ka një partner, ka bërë një djalë të bukur dhe është super e lumtur.
Por, asnjëherë s’kemi mësuar cili është partneri i saj dhe s’kemi parë portretin e të voglit Amar, që është një ndër bebushët më të komentuar në Instagram.
Së fundmi si rrallëherë, ajo ndau në Instagram disa momente private me bashkëshortin e saj, me të cilin ka shijuar një mbrëmje me muzikë.
Aktorja është filmuar teksa është ulur në prehërin e tij, kërcejnë, këndojnë e puthen së bashku.
Me humor, Olta shkruan krahas postimit:
“A ba ba baa Tu u puth si adoleshent neper lokale”
“Kemi një ndryshim në dukje të parë, por dhe ai thellë-thellë është si unë. Nuk është i fushës së artit. Më pëlqen shumë që ai nuk ma ka ndrydhur këtë pjesën e koketës që kam unë, energjinë, çmenduritë e mia, ose ndryshim planesh përnjëherë. Është njeri që më jep liri dhe shumë qetësi, sepse nuk bëra kot valixhet gati dhe të ikja. Deri tani jemi shumë rehat me njëri-tjetrin, plotësojmë shumë mirë njëri-tjetrin”, është shprehur më herët Gixhari për partnerin.
