Sezoni i verës tashmë ka nisur për VIP-at shqiptarë, të cilët kanë zgjedhur që të shijojnë pushimet në vende të ndryshme të botës.
Pavarësisht se me sezonin e verës, nis zyrtarisht edhe sezoni i koncerteve dhe mbrëmjeve muzikore, tre këngëtare shqiptare kanë vendosur të kalojnë fillimisht disa ditë pushime nën shoqërinë e njëra-tjetrës.
Për këtë udhëtim bëhet fjalë për tre këngëtaret, Big Mama, Tuna dhe Adelina Tahiri, të cilat kanë ndarë me ndjekësit e tyre në rrjetet sociale fotografi dhe video nga pushimet e tyre që kanë zgjedhur të bëjnë së bashku.
Mesa duket nga fotografitë, destinacioni i tre mikeshave është Turqia, nga ku kanë ndarë disa momente të bukura me ndjekësit e tyre. Gjithashtu, lidhur me këtë udhëtim nuk përjashtohet mundësia që tre këngëtaret të sjellin ndonjë bashkëpunim muzikor, megjithatë siç kuptohet nga pamjet, thjesht po kalojnë pak kohë të gjitha bashkë.
Discussion about this post