Policia e Shkodrës ka reaguar lidhur me ngjarjen e pasdites së sotme ku një grua u gjet e pajetë në Bay Pass-in e qytetit. Në njoftimin e policisë thuhet se gruaja është gjetur në lagjen “Ahmet Haxhija”, Shkodër, në ByPass, në afërsi të një kanali, pa shenja jete.
Sipas policisë bëhet fjalë për një 37-vjeçare Leze Qosja, lindur në Tropojë e banuese në Dobraç, Shkodër. Trupi është pjesërisht i dekompozuar dhe pritet ekspertiza mjeko-ligjore për të përcaktuar shkakun e vdekjes.
Në vendngjarje ndodhet Grupi hetimor nën drejtimin e Prokurorisë së Rrethit Gjyqësor Shkodër, ku vijon puna për zbardhjen e plotë të rrethanave të ngjarjes.
Gjithashtu policia thotë se motra e viktimës ka bërë kallëzim në Komisariatin e Shkodrës, se më datë 08.05.2022, Leze Qosja ishte larguar nga banesa, pasi kjo jetonte në Dobraç, në banesën e motrës së saj.
Discussion about this post