Pak ditë pas tragjedisë në një shkollë fillore në Teksas në Shtetet e Bashkuara të Amerikës, ku 21 persona mbetën të vdekur pas të shtënave me armë zjarri nga një 18-vjeçar, një tjetër incident me të shtëna me armë zjarri ka tronditur Amerikën.
Lidhur me ngjarjen bëhet me dije se të shtëna me armë zjarri janë regjistruar në një ceremoni diplomimi të shkollës së mesme në një kampus në New Orleans. Sipas raportimeve të para të mediave lokale, një e moshuar ka vdekur ndërsa dy të tjerë janë plagosur si pasojë e të shtënave në ambientet e gjimnazit.
Gjithashtu, sipas njoftimit të policisë, dy të plagosurit, të cilët janë meshkuj, janë dërguar menjëherë për në spital për të marrë ndihmën e parë mjekësore.
Deri më tani nuk është bërë ende e ditur nëse të plagosurit janë maturantë. Asnjë arrestim nuk është bërë deri më tani, por policia po mban më shumë se dy të dyshuar dhe i merr në pyetje.
Discussion about this post