Kryeministri i Malit të Zi, Dritan Abazovic i ka shkruar një letër presidentit të Ukrainës Volodymyr Zelensky ku i ka shprehur mbështetjen e tij dhe e përgëzoi për kurajon dhe dinjitetin e treguar në këto 3 muaj lufte.
Sipas nediave, letra është publikuar në faqen e qeverisë ku Abazovic i ka dërguar ngushëllimet e sinqerta me rastin e vuajtjes dhe humbjes së një numri të madh jetësh të qytetarëve të pafajshëm ukrainas.
“Në këtë çmenduri brutale dhe të paprovokuar të luftës, Ukraina po mbron kundër agresionit jo vetëm atdheun e saj, por edhe të gjithë Evropën, si dhe vlerat demokratike dhe normat civilizuese mbi të cilat mbështetet bota moderne”, shkroi Abazovic.
Abazovi u shpreh se qytetarët malazez qëndrojnë fort me miqtë e tyre ukrainas, siç e dëshmohet çdo ditë duke pranuar refugjatë nga zonat e shkatërruara nga lufta, të cilët kanë gjetur një strehë të sigurt në Mal të Zi.
Mali i Zi, si vend kandidat për anëtarësim në BE, ka avancuar më së shumti në negociata, është i përkushtuar për anëtarësim të përshpejtuar në përputhje me meritat e tij u shpreh Abazovic.
Discussion about this post