Komisioni i Pavarur i Kualifikimit, shpalli ditën e sotme vendimin për konfirmimin në detyrë të prokurores së Matit, Alma Bramon. Rivlerësimi për prokuroren Bramo u krye nga trupa e kryesuar nga Olsi Komici, me relatore Xhensila Pine dhe anëtare Valbona Sanxhaktarin.
Gjatë seancës dëgjimore më 31 maj, prokurorja Alma Bramo u pyet në lidhje me burimet financiare për një apartament të blerë nga e ëma 10 vjet para fillimit të detyrës si prokurore, si dhe iu kërkuan shpjegime mbi saktësinë e deklarimit të këtyre burimeve.
Prej vitit 2000, Alma Bramo ka punuar si oficere e Policisë Gjyqësore në Prokurorinë e Lushnjës dhe Prokurorinë e Përgjithshme. Bramo u emërua prokurore në nëntor të vitit 2015 dhe prej asaj kohe vazhdon ta ushtrojë funksionin në Prokurorinë e Rrethit Mat.
Discussion about this post