Detaje të reja mësohen nga vrasja me armë zjarri në Shkodër ku bëhet e ditur se viktima, Naim Bajri është tregtar peshku në markatën e lagjes “Rus”.
Në momentin e ngjarjes, ai ka qenë duke pirë kafe me një punonjësin e tij, i cili ka mbetur i plagosur. Dy burrat janë qëlluar nga një automjet, 10 herë dhe për pasojë Bajri ka mbetur i vdekur në vend. Ndërkohë, një automjet është gjetur i djegur në Bypassin e Shkodrës.
Policia ka ngritur disa pika kontrolli në qytetin e Shkodrës me qëllim kapjen e autorit. Rreth 20 vite më parë, Naim Bajrit i kanë vrarë edhe djalin, Endritin. Bëhet fjalë për një ngjarje të ndodhur në 21.10.2001, ku shtetasi, Xh.Shega, në bashkëpunim me shtetasit Ilmir Hajdari dhe Kujtim Barbullushi, kanë vrarë me armë zjarri shtetasin Endrit Naim Bajri. Përplasjet mes fiseve kanë vijuar dhe me ekzekutime të tjera.
Discussion about this post