Situata e zjarrit në Sazan ka dalë jashtë kontrollit. Sipas raportimeve paraprake mësohet se ka patur shpërthime të disa predhave dhe minave luftarake. Ndërkohë ka rrezik për shpërthime të tjera. Zjarri ka marrë përmasa të mëdha e ka djegur një pjesë të konsiderueshme të territorit.
Prefektura dhe mbrojtja civile ende nuk ka kërkuar ndërhyrje nga ajri. Po punohet me mjete rrethanore.
Municionet janë një rrezik edhe për ushtarët e punonjës të zonave të mbrojtura që gjenden ende në terren.
Në lidhje me zjarrin në Sazan pati dhe një reagim nga ministri i i Mbrojtjes, Niko Peleshi, i cili u shpreh se në terren ndodhen 61 efektivë të Forcave Detare dhe Tokësore, ndërsa punën e zjarrfikësve po e vështirëson terreni.
Discussion about this post