Kryeqyteti i Kosovës, Prishtina është përfshirë nga një stuhi e fortë pasditen e sotme. Era e fortë ka rrëzuar drunj dhe shtylla tensioni në lagjen Pejton të Prishtinës, ndërsa si pasojë një person ka humbur jetën. Sipas mediave vendase, një 30-vjeçar ka humbur jetën pasi u godit nga një lis i vjetër dhe ndërsa një tjetër ka mbetur i plagosur. Nga stuhia, drurët kanë rënë mbi makinat e parkuara, të cilat janë dëmtuar plotësisht.
“Rreth orës 15:15 është pranuar informata se një lis është rrezuar dhe ka zënë dy persona. Policia menjëherë ka dalë në vendin e ngjarjes dhe nga informatat e para janë ngritur dyshimet se njëri nga të lënduarit mashkull, rreth 30 vjeç ka humbur jetën përderisa e lënduara tjetër femër poashtu rreth 30 vjeç është dërguar në QKUK për trajtimin e nevojshëm mjekësor. Aktualisht policia ka nisur ndërmarrjen e veprimeve hetimore me synim sqarimin e rrethanave që karakterizojnë ngjarjen”, thuhet në njoftimin e Policisë
Discussion about this post