Ishulli i Sazanit është përfshirë nga flakët prej 3 ditësh tashmë ndërsa raportohet dhe për shpërthime municionesh. Mungesa e helikopterëve në vend e bën të pamundur ndërhyrjen nga ajri, e cila shihet si zgjidhja e vetme për shuarjen e vatrave të zjarrit. Ndërkaq, në terren ushtarakët dhe punonjës po përballen me flakët të pajisur vetëm me lopata dhe me fikse zjarri dore.
Shemsi Prençi, ish kreu i Emergjencave Civile njëkohësisht dhe këshilltar i Presidentit të Republikës për emergjencat civile i ftuar në Ora Neës, foli për situatën në Sazan.
Premçi tha se Sazan si një zonë ku ka qindra municione të cilat rrezikojnë nga shpërthimi vënë në rrezik dhe jetën e turistëve, ushtarëve dhe të zjarrëfikësve.
“Duket paradoks që në vitin 2022 strukturat e Forcave të Armatosura të Shqipërisë fikin zjarrin me kazma e me lopata, aq më keq në një zonë ushtarake me pasoja nga ’97-ta ku me qindra mijra municione, predha, granata janë të paplasura. Sazanin do ta konsideroja jo si një zonë turistike por si një zonë të minuar për faktin se atje nuk rrezikohen vetëm pyjet por tashmë rrezikohen edhe turistët edhe ushtarët edhe zjarrfikësit nga shpërthimi i predhave, granatave apo minave të mbetura të shpërndara në pyjet e Sazanit. Operacionet më efikase për opinionin publik por dhe për ministrin që nuk e din është përdorimi i mjeteve ajrore por kryesisht avionëve dhe helikopterëve, duke përdorur shkumën për izolimin e vatrës së zjarrit dhe pastaj kryqëzimin operazional për ta coptuar dhe pastaj mjetet tokësore dhe këmbesore për ta asgjesuar përfundimisht.”-tha Premçi.
Discussion about this post