Kreu i PD Sali Berisha po zhvillon sot një tryezë diskutimi me përfaqësues të biznesit të vogël dhe të mesëm në vend për t’u njohur me problematikat e tyre. Në këtë tryezë janë të pranishëm deputetë, ekspertë dhe përfaqësues të biznesit të vogël dhe të mesëm.
Albert Nasto, kryetari i shoqatës së biznesit të vogël dhe të mesëm, u shpreh se po kalojnë një krizë të madhe dhe se gjatë qeverisjes së kryeministrit Edi Rama janë mbyllur shumë prej tyre.
“Jemi në një krizë, në kufirin e mbijetesës, gjendja është e vështirë. Gjatë 9 viteve të qeverisjes së Ramës janë mbyllur shumë biznese, shifër alarmante dhe këmbanën e të cilës duhet ta dëgjojnë ata që na qeverisin, por dhe ne me njeri-tjetrin. Aksionet e 2015 u mbyllën shumë subjekte si pasojë e reprezaljeve të qeverisë Rama. Janë disa gjëra që nuk kanë favorizuar biznesin e mesëm dhe të vogël, por vijon edhe sot të mos favorizojë plani i hartuar nga oligarkët, të cilët kanë një plan për të shkatërruar biznesin. Ky është projekt që po zbatohet nga Rama me çdo presje, por nuk është vetëm i oligarkëve por dhe i fuqive anti-shqiptare që veprojnë për të shkatërruar ekonominë e këtij vend. Kjo qeveri justifikohet se “nuk kemi lekë”, kur këto lekë shpenzohen për PPP, etj., e ka kthyer administratën në një parti. Plani i kësaj qeveria, pas 9 vitesh, shohim një plan ogurzi, e turpshme për qeverinë, por më e turpshme për ne që durojmë dhe paguajmë çdo taksë”, tha ai.
Discussion about this post