Një tjetër ngjarje e rëndë është shënuar pasditen e sotme në Sarandë. Burime bëjnë me dije se 3 persona kanë mbetur të plagosur në Ksamil.
Njëri prej tyre është nisur me helikopter drejt Tiranës për shkak të plagëve të marra, ndërsa dy të tjerët po marrin trajtim në spitalin e Sarandës.
Të plagosurit janë identifikuar me emra Tiku Ahmeti, Flamur Ahmeti, Luli Ahmeti. Sipas burimeve paraprake, tre personat janë konfliktuar me disa persona të tjerë. Ndërkohë ende nuk dihen shkaqet për të cilat ka ndodhur ngjarja.
Luli Ahmeti është dërguar drejt Tiranës, pasi ndodhet në gjendje të rëndë për jetën.
Nuk dihen ende motivet e kësaj ngjarjeje, ndërsa policia ndodhet në vendin e ngjarjes ndërsa ka nisur hetimet për të identifikuar autorët.
Theksojmë se ky është rasti i dytë i shënuar në Sarandë, ku si pasojë e sherreve për motive banale vriten dhe plagosen njerëz.
Paraditen e sotme u shënua një viktimë i identifikuar me emrin Kledi Koka 43- vjeç, i cili pas një konflikti për motive të dobëta autori i identifikuar me emrin Genti alias Jorgo Golemi e ka goditur me thikë pas shpine.
Koka ka humbur jetë si pasojë e plagëve të rënda të marra në mushkëri. Nga Tirana mbërriti helikopteri, por ishte e kotë, pasi 43-vjeçari ndërroi jete. Ai është transportuar në morg. Burimet bëjnë me dije se Koka dhe Golemi u konfliktuan për shkak të parkimit të një varke në limanin e qytetit.
Discussion about this post