U gjet e zhveshur pranë një përroi/ Zbulohen detaje të reja nga vrasja e shqiptares në Itali

Detaje të reja kanë dalë në dritë në lidhje me vrasjen e 35-vjeçares shqiptare, Nevila Pjetri në Sarzana të Italisë.

Mediat italiane raportojnë se hetuesit kanë arrestuar një burrë të dyshuar si autorin e ngjarjes së rëndë. 44-vjeçari i arrestuar ushtronte profesionin e artizanit në Lunigiana, ndërsa në makinën e tij u gjetën të paktën dy këllëfë armësh dhe disa gjurmë gjaku në sedilje.

Ai është pronari i makinës Ford Fiesta ngjyrë gri, pa targë së gjetur disa qindra metra larg trupit të transgjinores që u gjen pak më vonë se trupi i shqiptares pa jetë. Hetuesit ranë në gjurmët e tij, duke analizuar numrin e targës së mjetit, i cili është hequr mbrëmjen e djeshme dhe është sekuestruar nga karabinierët në La Spezia.

Ndërkohë, kufoma e viktimës së fundit, e gjetur mëngjesin e sotëm, është nxjerrë nga shkurret dhe ka shenja të qarta dhune. Për Nevinën ka folur dhe kunata e saj teksa ka veshur rrobat e zisë shprehet e tronditur për ngjarjen. Ka qenë bashkëshorti i të ndjerës që ka lajmëruar familjen e saj në Elbasan ku jetojnë tre vëllezërit me familjet e tyre. Nusja e vëllait kla thënë se Neviles ishte e lumtur me jetën e saj ndaj lajmi i ka habitur pa masë. Ajo thotë se 35-vjecarja i ndihmonte vazhdimisht ekonomikisht pasi janë të varfër.

Po ashtu dhe Leonard Marku, bashkëshorti i shqiptares që u gjet e pajetë në Itali, ka treguar komunikimin e fundit me të. Marku, teksa ka folur për “New24”, shprehet se kur u largua natën e ngjarjes nga shtëpia i kishte thënë  se do dilte për kafe dhe do të takonte një mikun e saj italian.

Mediat italiane shkruan ditën e raportimit të krimit të rëndë se Nevila punonte si prostitutë, madje cituan dhe “koleget” e saj që e kishin parë atë të hipte në një makinë të bardhë që drejtohej nga një burrë, për të mos u kthyer më.

Por për bashkëshortin, Nevila ishte një grua shembullore dhe një nënë shumë e mirë për vajzën. Ai i quan “të pavërteta”, detajet që kanë shkruar mediat italiane. Më tej ai ka shtuar se nuk ka dyshime te asnjë person, për krimin, pasi nuk kishin konflikte.