Ministria e Mbrojtjes ka njoftuar se janë neutralizuar vatrat e zjarrit në ishullin e Sazanit dhe në Mirditë. Sipas ministrisë, situata në Sazan është nën kontroll, ndërsa vijon puna për të shmangur rindezjen e flakëve.
122 efektivë të Forcave të Armatosura, 9 mjete, 2 anije u angazhuan në operacionin e nisur tri ditë më parë për të shuar flakët. Mëngjesin e sotëm nisi edhe ndërhyrja nga ajri.
Forcave në terren iu bashkua edhe avioni Canadair CL 415, i ardhur si mbështetje nga Greqia, në kuadër të Mekanizmit të Mbrojtjes Civile të Bashkimit Evropian.
Ndërkaq 54 efektivë të FA iu bashkuan forcave zjarrfikëse në aksionin për shuarjen e vatrës së zjarrit në njësinë administrative Orosh të Mirditës.
Kujtojmë që për katër ditë rresht ishulli i Sazanit është përfshirë nga flakët, ku sipërfaqja që është djegur është shumë e madhe.
Discussion about this post