Dita e nesërme është një ditë e rezervuar plotë me emocione dhe ankth për maturantët, të cilët do të kryejnë testin e parë të maturës (Gjuha e huaj, Anglisht).
Për këtë ka reaguar dhe ministrja e Arsimit, Evis Kushi e cila ka përcjellë një mesazh për të gjithë nxënësit. Kushi deklaroi se ky vit ka disa risi ndërsa i ftoi maturantët që do të studiojnë jashtë vendit që të jenë më optimistë.
“Kthimi në normalitet pas pandemisë na ndihmoi të jemi më të fokusuar te matura shtetërore. E di që keni punuar shumë për të plotësuar njohuritë e marra gjatë mësimit online. Këtë vit ka disa risi që dua t’i ndaj edhe njëherë me ju. Ju që do të studioni në Shqipëri duhet të jeni më shumë optimistë sepse cilësia e arsimit të lartë po rritet çdo ditë e më shumë”, ka thënë ndër të tjerash Kushi.
Ajo u shpreh se maturantët duhet të jenë të orientuar për të zgjedhur programet e studimit për të cilët ka nevojë tregu i punës.
Discussion about this post