Zbardhen detaje të reja nga zjarri që u vu në zyrën e noterit Aleko Anagnosti në Sarandë. I arrestuari për këtë ngjarje, Marjo Sinani ka treguar përpara hetuesve emrin e personit që e ka porositur për ta bërë atë. Mësohet se ai është shprehur se është paguar për t’i djegur zyrën noterit. Ende nuk dihet se emrin e kujt ka rrëfyer Sinani para grupit hetimor, por 41-vjeçari ka shtuar se ka siguruar edhe prova për përfshirjen e tij në këtë krim.
Sinani u arrestua pasi u pikas nga kamerat e sigurisë së noterisë teksa thyente derën dhe digjte dokumentet që ndodheshin në zyrë.
Arrestimi i Anagnostit
Anagnosti është në mesin e zyrtarëve të arrestuar më 1 qershor. Në pranga ranë Drejtori i Urbanistikës Pandi Zhonga në Bashki, Rovena Alikaj, juriste në agjencinë shtetërore të kadastrës si Aleko Anagnosti, noter. Ata dyshohet se kanë shpërdoruar detyrën duke abuzuar me lejet e ndërtimit. Arrestimet e tyre janë bërë urdhër të Prokurorisë së Sarandës, e cila pas hetimeve zbuloi se këta persona kanë tjetërsuar 10 mijë metër katror tokë shtetërorë që ishte lulishte në Sarandë.
Kush është Marjo Sinani?
Marjo Sinani, 41-vjeç rezulton i dënuar më parë, si dhe është përdorues i lëndëve të forta narkotike.
Ai ka qenë i dënuar në fillim të viteve 2000 për “Vjedhje në bashkëpunim”. Më pas, më 28 shkurt 2008, është vënë në pranga për “Shkatërrim të pronës me zjarr”, pasi ka djegur automjetin e Drejtorit të Shtëpisë së Pritjes Sarandë në atë kohë, Agim Kabo.
Dy vite më vonë, më 12 dhjetor 2010, Sinani është arrestuar pasi plagosi me thikë shtetasin S. Dike. Pas 6 vitesh, më 8 nëntor 2016, është arrestuar për vjedhjen e tre automjeteve, në lagjen nr. 1 të Sarandës, duke përdorur një thikë.
Brenda zyrës së noterit Aleko Anagnostit që i përfshi në flakë mëngjesin e sotëm ndodheshin dokumentet e ish-noterit Artan Lulaj, i cili më vonë ushtroi detyrën e Prokurorit në Tiranë, si dhe një pjesë e dokumentacionit të ish-noteres Ermioni Gjoka, bashkëshortja e ish-Kryetarit të Bashkisë Sarandë, Edmond Gjoka, në vitet 2003-2011.
Gjithashtu janë gjetur dhe një pjesë e dokumentacionit të ish-noteres Ermioni Gjoka, bashkëshortja e ish-Kryetarit të Bashkisë Sarandë, Edmond Gjoka, në vitet 2003-2011.
Çfarë u gjet në zyrën e noterit ?
Brenda zyrës së noterit Aleko Anagnostit që i përfshi në flakë mëngjesin e sotëm ndodheshin dokumentet e ish-noterit Artan Lulaj, i cili më vonë ushtroi detyrën e Prokurorit në Tiranë, si dhe një pjesë e dokumentacionit të ish-noteres Ermioni Gjoka, bashkëshortja e ish-Kryetarit të Bashkisë Sarandë, Edmond Gjoka, në vitet 2003-2011.
Gjithashtu janë gjetur dhe një pjesë e dokumentacionit të ish-noteres Ermioni Gjoka, bashkëshortja e ish-Kryetarit të Bashkisë Sarandë, Edmond Gjoka, në vitet 2003-2011.
Discussion about this post