Nga foltorja e Kuvendit, deputeti Vangjel Dule ka replikuar me ministren e Financave, ku është shprehur se qeveria shqiptare nuk po mban anën e qytetarëve në krizën që ka përfshirë ekonominë globale. Dule tha se në krizë ka fitues por edhe humbës, e sipas tij, rëndësi ka se në krah të kujt është qeveria. Duke sjellë shembullin e Gjermanisë që ka vendosur një biletë transporti 9 euro dhe ka ulur taksat e karburantit, Dule tha se qeveria shqiptare mban anën e atyre që nga kriza arrijnë fitime marramendëse. Ai ka sjellë shembullin e Greqisë, Dule tha se qeveria aty ka vendosur një taksë të veçantë për kompanitë që gjatë krizës do arrijnë të kenë fitime marramendëse.
“Nuk dëgjova ministren të thotë se ka dhe nga ata që fitojnë në kohën e krizës, e pranuat dhe ju vetë, Një nga fitueset është buxheti i shtetit, rëndësi ka me kë është qeveria me ata që fitojnë apo me ata që humbin? Më lejoni t’ju jap një shembull qeveria gjermane, caktoi biletë 9 euro për 3 muaj transporti. Uli taksën e karburanteve. Kryeministri na thotë “taksat e naftës nuk do të hiqen dhe për këtë nuk ka protestë me drita iPhone dhe goma x5 që e zhbën”. Dëgjoni se çfarë thotë zv-kancelari i Gjermanisë: “Nuk mund të them sesa masat e qeverisë do të garantojnë paqe sociale, dhe bindjen e qytetarëve se jetojmë në një shoqëri të drejtë”. Micotaqis kaloi prapë dhe sanksionoi fituesit nga kriza, ka fitime të jashtëzakonshme. Të gjitha ato kompani që gjatë një viti do të kenë fitime të jashtëzakonshme, do të kenë tatime të jashtëzakonshme. Duket qartësisht se ju nuk jeni zgjedhur nga vota e qyetarëve që në lojën e ekuacionit të krizës t’u shërbeni qytetarëve. Ju jeni të bindur se jeni zgjedhur nga paratë e oligarkëve, ndaj jeni luajal në shërbim të tyre. Duhet që opozita të unifikohet, të korrdinohet me çdo shoqëri civile” – u shpreh Dule.
Discussion about this post