Është identifikuar njëra nga viktimat e aksidentit tragjik në aksin Levan-Tepelenë. Mësohet se ka humbur jetën në aksident punonjësi i FNSH, Sokrat Lela. Ndërkohë, viktimë ka mbetur edhe një grua, identiteti i së cilës nuk dihet ende.
Ndërsa personi që shihni në video është Gerti Skënderaj 43- vjeçari i cili mbeti i plagosur në aksin rrugor Levan-Tepelenë. Mësohet se Skënderaj ishte duke udhëtuar me mjetin e tij tip ‘Opel’ me vajzën dhe bashkëshorten ku më pas u përplas me mjetin tip ‘Ford’.
Aksidenti ka qenë mjaft i rëndë, ku mjeti i Skënderaj u shkatërrua tërësisht ndërsa ‘Fordi’ përfundoi në kanal.
Discussion about this post