Atentati në Fushë-Krujë, kjo është makina e anëtarit të Niklës ku u sulmua me breshëri plumbash

Kjo është makina, në të cilën  u qëllua me armë zjarri të mërkurën e 8 qershorit, anëtari i bandës së Niklës, Mariglen Haka.

Siç shihet edhe në foto, mjeti tip Golf 6 është qëlluar në pjesën e përparme të xhamit.

Në dëshminë e tij Haka ka thëne se në momentin që ishte afruar në kryqëzimin e Niklës për të marrë rrugën Fushë  Krujë – Tiranë, pas një godinë atje ka qendronte  i fshehur personi që e qëlloi me armë.

Autori ka dalë dhe ka qëlluar në drejtim të tij me 20 plumba kalibër 9 milimetra duke e lënë të plagosur.

Kanë qenë bashkëfshatarët e tij ata që e kanë dërguar Mariglenin te spitali i Traumës në Tiranë. “Po udhëtoja me mjetin e Volsëagen në drejtim të Niklës. Sapo kam përshkuar disa metra në rrugën e Niklës jam qëlluar nga një automjet tjetër për të cilin, targën dhe llojin e mjetit nuk e di. Mjeti më ka ndjekur nga pas dhe në një moment kur kam ndaluar jam qëlluar me breshëri duke mbetur i plagosur në fytyrë. Më pas makina është larguar nga vendi i ngjarjes.”

Aktualisht Haka ndodhet në Spitalin e Traumës, jashtë rrezikut për jetën. Ndër të tjera, Marigleni ka pohuar se nuk e ka njohur autorin. Deri më tani nuk ka  persona të shoqëruar lidhur me atentatin ndaj anëtarit të bandës së Niklës.

Atentati në 2019

Kujtojmë se kjo nuk është hera e parë që kryhet atentat, ndaj Hakës,  pasi mbrëmjen e 20 shtatorit të vitit 2019-të, në banesën ku ai qëndronte u qëllua mbi 100 herë me plumba, ku për pasojë mbeti i plagosur rëndë Haka dhe halla e tij Shpresa Basha 50-vjeçe, e cila më pas ndërroi jetë në spitalin e Traumës.

Ndërkohë që personi që i shoqëroi në spital mbrëmjen e 20 shtatorit të vitit 2019-të Mariglenin dhe hallën e tij ishte vëllai i Durim Bamit, Valter Bami.