Pasi ndau Andin nga Jasmina, këngëtarja kosovare nis një histori dashurie të re

Këngëtarja e njohur Diona Fona u shndërrua në një personazh shumë mediatik vitin e kaluar, teksa u bë “mollë sherri” për Jasminën dhe Andin.

Çifti i formuar në emisionin e dashurisë “Përputhen”, u nda pikërisht nga afërsia që këngëtarja kosovare e krijoi me ish-konkurrentin e “Përputhen”. E gjitha kjo nisi pasi Andi u bë pjesë e klipit të Dionës, ndërsa u akuzua nga ish-e dashura e tij atë kohë, Jasmina Kadriu se ish-konkurrenti e la në festë për të shkuar te këngëtarja.

Së fundmi, Diona ishte e ftuar në “Pardon My French” ku ka folur për këtë histori. Këngëtarja ka sqaruar një herë mirë raportin e saj me ish konkurrentin e “Përputhen 2”. “Nuk është ashtu si duket. Krijuam miqësi të mirë. Nuk jam marrë shumë me lajmet, nuk merrem me thashetheme, me skandale”.

“Është shumë e lehtë të gjykosh vetëm prej karriges duke parë, po nuk është ashtu si duket”.

Më tej, artistja u shpreh se ishte në një lidhje dashurie, por jo me Andin. Duket se historia e tyre ka qenë e shkurtër, por e mjaftueshme për t’i dhënë fund raportit të sapo nisur brenda spektakli të dashurisë.