Ndërkohë që qeveria shqiptare luan me dy porta dhe vazhdon jo zyrtarisht tregtinë me Rusinë, kryeministri Edi Rama ndodhet në një vizitë zyrtare në Kiev të Ukrainës, së bashku me kryeministrin e Malit të Zi, Abazoviç. Gjatë konferencës me Presidentin e Ukrainës, Volodymyr Zelensky, Rama garantoi mbështetjen e Shqipërisë që Ukraina të marrë statusin e vendit kandidat.
“Shqipëria, Mali i Zi dhe Maqedonia e Veriut mbështesin kandidaturën në BE për Ukrainën. Kryeministri shqiptar Edi Rama tha më 15 qershor se Ukraina i përket familjes evropiane dhe Europa është e detyruar t’i përgjigjet kërkesës së Ukrainës për kandidaturë”, shkruajnë mediat në Ukrainë.
Herë pas herë, në ujërat territoriale shqiptare në detin Adreatik që pas konfliktit të Kremlinit me Ukrainën janë shfaqur anije tregtare ruse, gjë që lë të dyshosh që marrëdhënia tregtare e Tiranës me Moskën, nuk është ndërprerë plotësishtt.
Discussion about this post