Udhëheqësit e veteranëve të luftës së UÇK-së pas protestës pasi nuk përfituan nga rritja e pagës minimale, kanë shkuar në ambientet e kryeministrisë për tu takuar me Albin Kurtin.
Kujtojmë se ish-luftëtarët e Ushtrisë Çlirimtare të Kosovës zhvilluan ditën e djeshme një protestë, pasi nuk përfitojnë nga rritja e pagës minimale. Protesta u shoqërua me tensione, ku veteranët thyer kordonin e policisë dhe u futën brenda ambienteve të Kuvendit, ndërkohë që policia iu kundërpërgjigjë duke përdorur edhe gaz lotsjellës.
Ndërkohë opozita brenda Kuvendit kundërshtonte vazhdimin e seancës derisa të përcaktohej një takim mes Kurtit dhe veteranëve. Seanca u ndërpre disa herë por s’pati dakordim mes shefave të grupeve parlamentare që të vazhdohej me pikat e rendit të ditës. Pas ndërprerjes së seancës veteranët u shpërndanë të qetë pas disa orë proteste.
Discussion about this post