Në mbledhjen e sotme me kryebashkiakët, kryeministri Edi Rama, ka paralajmëruar të gjithë kryebashkiakët se do të merren masa ndaj atyre që do vazhdojë të kenë probleme me mbledhjen e të ardhurave. Sipas tij, nëse bashkitë tregohen të afta në digjitalizimin e shërbimeve dhe administrimi të jetë i duhuri, nuk do të ketë probleme financiare. Në të kundërt ai tha se do të ketë penalitete në rast se në bashki nuk ka përgjegjshmëri të personave në detyrë apo nëse nuk përmbushen detyrimet financiare. Gjithashtu ai përmendi edhe njëherë se bashkitë vazhdojnë të jenë nën mbikqëyrja sa i përket pastrimit të territorit.
“Pa folur për shërbime të tjera, pastrimin, transportin publik që nuk organizohen lehtë. Në të gjitha këto kemi mundësi të shohim se nuk po flasim për gjëra të pabëshme, pse duhet të jetë qeveria kampione në digjitalizim, pse mos ë jenë bashkitë, në të gjithë botën ndodh e kundërta. Këtu qeveria qendrore ka bërë revolucion deri në fund me shërbimet, a ka kuptim që shërbimet publike të jepen me letra e të mos jenë online, të jenë të prapambetura?
Në fund të fundit, për fiziologjinë e vet roli i kryetarit të bashkisë është ai i njeriut më të afërt me qytetarët, pse duhet ta ketë këtë ngarkesë qeveria, mbi 90%? Ça ndodh, pse? Sot nuk jemi në vitin 0, jeni njerëz që keni parë botë me sy, keni kontakte personale me kryetarë bashkie dhe e dini shumë mirë se këto qe them unë janë normaliteti në çdo qytet. Nuk mund të vazhdojë këtë histori, borxhet në derën e qeverisë, problemet po ashtu, projektet i kufizojnë vetëm në ato që financohen vetëm nga buxheti dhe nuk dalin jashtë rrethit vicioz. Sot qytetet tuaja janë më të pastra para se ne të merrnim, një masë.
Ne do të marrim masa në rast se nuk përmbushen detyrimet në aspekt financiar, situata financiare bëhet një gropë që nuk mbushet dot më kur bën sikur nuk e sheh, kështu si me pastrimin do bëjmë dhe me disiplinën buxhetore. Është absolutisht e vërtetë që kjo pamje nuk është vetëm vepra juaj por në atë zonën jeshile shumë nga bashkitë janë aty prej kryetarëve, me lidership e përgjegjshmëri, përmirësime të ndodhura në këtë periudhë. Nuk justifikohet papërgjegjshmëria e bashkisë me detyrën, duke mbyllur sytë”, tha Rama. Ndërsa u shpreh se deri në fund të korrikut bashkitë duhet të kenë paraqitur planin e tyre konkret për mënyrën se si do të veprojë.
Discussion about this post