Në komisionin që po zhvillohet për reformën zgjedhore, Oerd Bylykbashi ka thënë se të gjithë duhet të punojnë që këtë herë diskutimet të bëhen për të arritur në dakordësi. AI tha se për shumë arsye, “kjo reformë s’duhet të jetë një pazar as i paravendosur as i vendosur gjatë punës së tij”. Më tuje ai theksoi se nuk duhet lejuar që në këtë rast të përsëritet e njëjta histori si në 2020, ku ndryshimet në reformë u kthyen në Pazar politik. Ndërsa theksoi se është me rëndësi përmbushja e rekomandimeve të OSBE-ODIHR.
“Nuk duhet të jetë si fundi i vitit 2020 i asaj reforme ku një pazar jo thjesht ndryshoi Kodin Zgjedhor, por shkatërroi një sistem zgjedhor. Rregullat e lojës nuk ndërrohen në mënyrë të njëanshme. Ne sot duhet të punojmë bashkë për të vënë rregulla loje për zgjedhësit jo për ne 19 vetat që jemi në komision apo 140 veta që do votojnë. Nëse kjo reformë do shërbejë për të krijuar krizë politike më mirë mos nisë se do të jetë themeli i një krize që do na çojë mbrapsht 20 vite të shkuara”, u shpreh ai. Sipas tij, nëse do kthehet sërish në debat politik dhe do të shërbej për interesa partiake, më mirë të mos nis diskutimi për këtë çështje.
Discussion about this post