Atentati në Elbasan/ Qëlloi 7 herë drejt të riut, autori me precedent penale

Autori që qëlloi shtatë herë në drejtim të 30-vjeçarit Alban Bekteshi në Elbasan, është Ermal Matishi.

Matishi nuk është emër i panjohur për policisë. Ai u arrestua në 2019, 38-vjeçari, pasi nuk i është bindur urdhrit të policisë për të ndaluar.

Këtë të premte ngjarja ndodhi në orën 20:00, në lagjen “Skënderbej”. Autori Ermal Matishi dhe Bekteshi para tri javësh janë konfliktuar me grushte, për parakalim.

Sot, Matishi ka qëlluar me armë zjarri pistoletë në drejtim Arben Bekteshi 30 vjeç, banues në Elbasan, i cili ishte duke qarkulluar me automjetin e tij.

Grupi hetimor, nën drejtimin e Prokurorisë pranë Gjykatës së Rrethit Gjyqësor Elbasan, po vijon veprimet, me qëllim zbardhjen e plotë të rrethanave të ngjarjes.