Një ngjarje tragjike është shënuar në Sardenja të Italisë, ku një fermer 32-vjeçar humbi jetën pasi u pickua nga bleta.
Marco Deiana vdiq mëngjesin e të enjtes, në fshatin Tertenia dhe para se të humbte ndjenjat ai arriti t’i telefononte të dashurës duke i thënë se ishte shumë keq pasi e kishte pickuar bleta.
Por kur mbërritën shërbimet e emergjencës aty, ai kishte vdekur.
Për mjekët që e ekzaminuan dhe konstatuan vdekjen e tij, nuk është ende e sigurt nëse pickimi i bletës solli atakun në zemër apo ndonjë goditje aritmie, megjithatë nuk përjashtohet mundësia që dy ngjarjet të kenë ndodhur njëkohësisht.
Discussion about this post