Ish-Drejtori i Operatorit të Shpërndarjes së Energjisë Elektrike në Mirditë, Altin Nikolli, i arrestuar dy ditë më parë për plagosje të rëndë ndaj bashkëfshatarit të tij, do të qëndrojë në burg. Ai u njoh me rivlerësimin e kushteve të masës së sigurisë të dhënë në mungesë ndaj tij. Në seancën gjyqësore, ish-zyrtari i lartë në OSHEE ka deklaruar se ka qëlluar për vetëmbrojtje, pasi bashkëfshatari i tij me të cilin është konfliktuar kishte qenë i armatosur.
Sjellim në kujtesë që pas ngjarjes të plagosurit, iu gjet dhe një armë zjarri ndërsa iu komunikua urdhër ndalimi në Spital, por disa muaj më vonë prokuroria ka arritur të provojë se arma nuk ka qenë e të plagosurit. Sipas burimeve ngjarja ka ndodhur pas një konflikti për motive të dobëta, pasi Nikolli i kishte kërkuar bashkëfshatarit të tij që mos të kulloste bagëtite në një zonë të pyllëzuar pranë fshatit të tyre.
Discussion about this post