Teksa mendohet se sezoni turistik po lulëzon, problemet në jug të vendit duket se nuk janë zgjidhur. Kreu i operatoreve turistike për jugun Vasil Bedinaj ngre si shqetësim neglizhencën e administratës publike për zgjidhjen e problemeve në vijën bregdetare.
“Një mos koordinim, një mos kokëçarje me njëri-tjetrin. Në çdo institucion të Vlorës ose nuk do të gjesh punonjës ose do gjesh punonjës që nuk duan tia dinë fare. Jemi në muajin e dytë e akoma nuk është zgjidhur problemi i stacioneve të plazhit, problemi i bareve të plazhit”, është shprehur Bedinaj.
Një tjetër problem shumë i madh për operatorët turistik është edhe mungesa e stafit, ku puntorët eksiztues detyrohen të punojnë me orë shtesë.
“Burimet njerëzore që nuk po shohim zgjidhje dhe shumë subjekte janë në krizë dhe kolaps. Të gjitha nivelet ka mungesë të theksuar, arsyet i dimë, shumë të rinj kanë zgjedhur të punojnë jashtë, arsyeja tjetër është se nga vitit në vit po shtohen strukturat akomoduese. Unë jam 30 punonjës duke punuar orë shtesë”, u shpreh Bedinaj.
Albert Sula, një nga operatorët turistik në Sarandë thotë se rritja e çmimeve ka ndikuar në uljen rezervime.
“Me rezervimet deri tani nuk jemi ne të nivel qe prisnim, kemi rezervime për muajt korrik gusht, por nuk janë ne atë nivel qe mendonim për ketë vit. Pushuesit nuk kane qene ne numer te madh, jemi ne nivel qe sa përballojmë shpenzimet, pagat e punëtoreve, fitimet janë me te pakta deri tani. Ka pasur klientë perëndimore qe shpenzojnë gjate pushimeve. Sa i përket pushuesve ukrainas kanë qenë më të pakët sivjet”, tha Albert Sula.
Operatorët në jug të vendit thonë turistët ukrainas këtë vit janë zëvendësuar me ata evropian.
Discussion about this post