Ministrja e Shëndetësisë Ogerta Manastirliu është tashmë e njohur për tenderët pa garë që zhvillon, si dhe për faktin që i lidh këto kontrata me kompani të përfshira në skandale. Të njëjtën skemë ka ndjekur me tenderin e fundit me objekt blerje pajisje autopsie dhe laboratorike. Ky tender me objekt “blerje pajisje autopsie dhe laboratorike” është hapur për shërbim që i duhet Institutit të Mjekësisë Ligjore, ndërsa me miratim të Manastirliut 32 milionë lekë po shkojnë në xhepin e kompanisë oligarke. I gjithë projekti është zhvilluar në shkelje të konkurrencës së lirë, për shkak se në garë ka marrë pjesë vetëm një kompani “Isometric”. Sipas ligjit gara duhej të pezullohej, por Manastirliu ka vendosur të shpallë menjëherë fitues “Isometric” shpk me administrator Nadiel Çadri.
Pra, në këtë rast kemi të bëjmë me një tender të dyshimtë dhe fitues të paracaktuar, pasi kompania në fjalë përveç se ka marrë tenderin pa garë fare ka paraqitur ofertën me vlerë sa 98% fondit limit, duke shkelur një tjetër ligj. Gjithashtu, në dokumentet e publikuara evidentohet se, kompania nuk disponon certifikatat mbi “Sistemet e menaxhimit të cilësisë”. Kjo certifikatë është parashtruar si një kriter kryesore në dokumentet e tenderit, por Manastirliu e ka anashkaluar dhe shpalli fituese kompaninë. Pra kjo kontratë është i skuqur me shkelje si; mungesë konkurrence, tejkalim i fondit limit dhe mosplotësimi i kritereve bazë nga fituesi. Janë 32 milionë lekë që merren nga xhepat e taksapaguesve shqiptarë, të cilëve iu premtohet një shëndetësi falas dhe në fakt paguajnë oligarkët e Manastirliut.
Ky tender duket si një “dëmshpërblim” nga Manastirliu për “Isometric ”, pasi disa muaj më parë Komisioni i Prokurimeve Publike pezulloi një tender të fituar nga kjo kompani në shëndetësi. Bëhej fjalë për një tender me vlerë 186 milionë lekë të dhëna nga Instituti i Sigurisë Ushqimore dhe Veterinarisë. Tre ankesa brenda një dite u dorëzuan pranë KPP për këtë tender, ku në njërën prej tyre përshkruhej se “Isometric ” nuk plotësonte kriteret bazë të tenderit dhe se ISUV kishte paracaktuar fituesin. Pas shqyrtimit KPP vendosi anulimin e tenderit dhe la pa gjë “Isometric ”. Nuk vonoi shumë dhe Manastirliu gjeti një tjetër mënyrë për t’i bërë peshqesh kompanisë së privilegjuar.
Discussion about this post