Do të organizojë PD protesta? Ja si përgjigjet Flamur Noka

Në një intervistë për mediat, deputeti Flamur Noka, u pyet se kur do i organizojë PD protestat, është shprehur se kjo forcë politike ndodhet në një moment shumë të rëndësishëm të jetës së saj organizative. Noka tha se sot PD është opozitë reale në Kuvend pavarësisht se Edi Rama përpiqet të njohë Enkelejd Alibeajn si kreun e kësaj partie.

“PD është në një moment shumë të rëndësishëm të jetës së saj organizative. Është në përmbyllje të një faze të procesit zgjedhor në të gjithë degët dhe në përmbyllje të përzgjedhjes së kryesive e të sekretariateve. Që një forcë  politike të ndërmarrë aksionet e saj, siç PD ju ka premtuar shqiptarëve, duhet të përfundojë procesin e brendshëm opozitar. Opinioni publik ka parë një ndryshim të madh të të bërit opozitë në parlament. Sot PD është opozitë reale në Kuvend nuk është fasadë, pavarësisht se Rama përpiqet të njohë Enkelejd Alibeaj dhe opozitën fake. Demokratët e kanë zgjedhur se kush do i drejtojë dhe kush do i prijë” – u shpreh Flamur Noka.