Një ndër emrat më të njohur të drejtësisë shqiptare, Lulzim Caka ka rrëfyer arratisjen nga burgu i Fierit. Caka njihet ndryshe si “i tmerrshmi i Beratit” dhe akuzohet për shumë ngjarje kriminale. Në një intervistë për emisionin “Shqipëria Live” në Top Channel, ai ka zbuluar sesi ka prerë hekurat e burgut dhe është arratisur i vetëm pa ndihmën e askujt.
“Më doli babai në ëndërr dhe më tha çohu dhe ik në shtëpi. I thashë jam në burg. Më tha merr këto dy kuaj dhe ik në shtëpi. Kur preva hekurat, pa ndihmën e askujt, e kam bërë me zotësinë time. Nuk ka faj asnjë polic, e kam lënë në gjumë. Edhe në mal kur kam shkuar kam gjetur 3 kuaj dhe jam arratisur”, tha ai.
Caka është i lirë prej vitit 2019 kur akuzohet se ka arritur të dalë nga burgu me letra të falsifikuara. Ai është në Greqi momentalisht dhe ndodhet në kërkim ndërkombëtar. Shqipëria e kërkon me Interpol, por gjykata greke e ka konsideruar të gabuar kërkesën e Shqipërisë dhe nuk pranon ta ekstradojë.
Lulzim Caka momentalisht ka si oaz vetëm shtetin grek, nëse kalon në çdo shtet tjetër arrestohet.
Discussion about this post