Detaje të reja janë mësuar lidhur me vdekjen e një çift të moshuarish të cilët banonin te “Nënstacioni i Selitës” në Tiranë. Fillimisht u dyshua se burri ishte vetëvarur e më pas gruaja kishte pësuar atak në zemër, por duket se ka ndodhur e kundërta.
Sipas gazetarit Besard Bajraktaraj ka qenë gruaja, Arta Meçaj ajo që ka ndërruar jetë e para, për aryse që ende nuk dihet, e më pas burri, Safeti duket se nuk e ka përballuar humbjen e bashkëshortës dhe ka vendosur që t’i japë fund jetës.
Dy të moshuarit u gjetën pa jetë nga nipi, i cili ishte i vetmi i afërm, i cili banonte pranë tyre. Ai është marrë në pyetje për marrëdhënien mes çiftit dhe nëse ata kanë pasur probleme apo shqetësime kohët e fundit.
Ndërsa sipas banorëve të zonës, dy të moshuarit ishin gjithnjë të dy bashkë dhe nuk ndaheshin asnjëherë, madje merreshin edhe si shembull prej tyre për marrëdhënien e ngushtë mes tyre.
Discussion about this post