Një mjet është djegur në orët e vona të mbrëmjes në lagjen “9 nëntori” në Delvinë. Policia informon se ngjarja ka ndodhur rreth orës 00:50. Mjeti i djegur i tipit “Suzuki” është në pronësi të personit me inicialet L.K, i cili banon në Delvinë. Policia dhe grupi hetimor janë në vendin e ngjarjes dhe po punojnë për të përcaktuar shkaqet e zjarrit. Nuk dihet nëse zjarrëvënia është e qëllimshme.
“Më datë 22.06.2022, rreth orës 00:50, në lagjen “9 nëntori”, Delvinë, ka rënë zjarr dhe është djegur një mjet i markës “Suzuki”, në pronësi të shtetasit L. K., banues në Delvinë”, shkruan policia.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
Discussion about this post