Pas kërcënimeve të Rusisë, vjen dhe përgjigjia e Finlandës. Shefi i Forcave të armatosura të Finlandës, gjenerali Timo Kivinen shprehet se vendi është i përgatitur për një sulm rus.
“Finlandezët janë të motivuar për të luftuar dhe vendi ka ndërtuar një arsenal të konsiderueshëm. Ne kemi zhvilluar sistematikisht mbrojtjen tonë ushtarake pikërisht për këtë lloj lufte që po zhvillohet në Ukrainë, me një përdorim masiv të fuqisë së zjarrit, forcave të blinduara dhe gjithashtu forcave ajrore. Ukraina ka qenë një kafshatë e vështirë për t’u përtypur për Rusinë dhe po ashtu do të jetë edhe Finlanda.”-tha Kivien në një intervistë.
Një muaj më parë, Finlanda së bashku me Suedinë i dorëzuan Sekretarit të Përgjithshëm të NATO-s, letrat zyrtare të aplikimit në Aleancë. Lëvizje kjo e dy shteteve për t’i paraprirë rrezikut rus në një kohë që Kremlini ka paralajmëruar sulme në shtete të tjera pas Ukrainës.
Discussion about this post